Tusenvis av laks og sjøaure står kvar haust gyteklare i våre elvar. Fisken er ikkje lett å sjå frå land, men uti elva med snorkel og maske møter du han på heimebane i full kamp om gyteplassane. Dette kan du læra meir om i Daleelva i Vaksdal 11-12. oktober 2008.
Kurs i fiskeforvalting:
-For 4. året på rad vil me arrangera eige kurs i laksedykking i Daleelva i Vaksdal. Vaksdal kommune står bak dette saman med Dale jakt og fiskarlag og Norges Jeger og Fiskeforbund fylkeslag i Hordaland. Kurset har som mål å gje grunnleggjande opplæring i dykking i elv som metode for å fanga stamfisk og å vurdera fiskebestanden, seier Alv Arne Lyse i Hordaland jeger og fiskeforbund. Han er svært nøgd med at dei har fått til ei slikt kurs no i tre år. Forvaltinga krev at ein har betre oversikt over gytebestanden av fisk i elvane, seier han.
Kurset er lagt opp slik at ein kan vera med fyrste eller andre dag eller begge dagar.
Fyrste dag går på opplæring i bruk av utstyr og det å dykka i elva og sjå på fisk, opplæring i å fanga stamfisk og å telja fisk i elva med dykkardrakt eller med på land med vadebukse.
Andre dag tek ein for seg tiltak med kartlegging og utfisking i innlandsvatn i Bergsdalen.
Kurset er berekna på folk som er tilknytta eit fiskarlag i ei elv, grunneigarar og andre som har med fiskeforvalting å gjera.
Gummimenn i elva:
Dei siste 13 åra har me telt og fanga stamfisk med dykkar i mange av elvane i Hordaland, seier Tore Wiers frå Vaksdal som saman med kollegar frå Universitetet i Bergen har utvikla ein metode for å telja fisken under vatn. Dette er på oppdrag frå den statlege fiskeforvaltinga, kraftregulantar, elveeigarlag og kommunar. Eit lag på 2-4 dykkarar startar øverst i elva og let seg driva nedover stryk og kulpar og tel så fisken undervegs.
Me tel både sjøaure og laks og deler dei inn i vektgrupper etter storleiken. Sjøaure er det større mengder av og ofte stimar med fleire hundre fisk. Laksen er meir fåtallig og lettare å telja. Ein klarer også å skilja om fisken er vill eller oppdrett. Det er viktig for forvaltinga at ein veit kvar i elva fisken står og gyter og kor mange det er frå år til år.
-Å møta fisken i sitt rette element er noko heilt anna enn å ha han i handa på land. Alle vart utstyrt med tørrdrakt med hette og hanskar og maske med snorkel, men utan bruk av luftflasker. Dette er altså snorkling i overflata. Det krev litt erfaring å få alt utstyret til å fungera slik at alt er tett, maska ikkje doggar osv. Me driv så nedover i straumen og får eit innblikk i kvar fisken oppheld seg i hølar og strykparti, seier Tore Wiers, som også er leiar for kurset.
Bildetekstar:
Fargerik. Denne ville hannlaksen frå Ekso på 13 kg har stor krok i underkjeven og flotte fargar i gytedrakta. Han står klar på gyteplassen.
Gurglelydar. Dykkaren under vatn er i si eiga verd saman med fisken. Gleda over å sjå stor fisk høyrest som gurglelydar på overflata.
Gummimenn. Tore Wiers er instruktør på kurs i Daleelva for å læra 9 gummimenn å telja fisken under vatn.
Program:
n 11-12. oktober 2008 (alternativ dato ved stor vassføring er 18-19. oktober 2008)
n Daleelva i Vaksdal kommune
n Arrangør: Vaksdal kommune ved Sveinung Klyve
n Arrangør: Dale Jakt og fiskarlag ved Inge Sandven
n Arrangør: Hordaland jeger og fiskeforbund ved Alv Arne Lyse
n Kursleiar: Tore Wiers
n Økonomisk støtte ved miljøvernavdelinga i Hordaland
Lørdag 11. 10 program: Anadrom del
Stamfiske i Daleelva - uttak av laks til klekkeri og praktisk del med snorkling i elva
n Metode med bruk av garn, not, hov
n Fangst uttak av oppdrettslaks
n Sortering av stamfisk
n Oppbevaring av fisken i notpose
n Transport av fisken
n Oppbevaring av fisken over lengre tid
n Omvising i Dale klekkeri sitt anlegg
n El-fiske
n Habitat-tiltak i Daleelva
n Opplæring i bruk av drakt, maske og snorkel i elv
n Praktisk øving i elva for å fanga stamfisk med dykkar
n Praktisk øving i elva for å telja fisk med dykkar
n Gjennomgang av Dale jakt og fiskarlag sine metodar for
Stamfiske og kultivering av fisk
Pris kr 500 pr person inkl. enkel lunsj
Søndag 12.10 program: Innlandsfiskedel
n Metode med bruk av garn
n Utsetjing av garn i ferskvatn
n El-fiske av bekkar
n Vurdering av fangsten
n Strategi for utfisking i eit vatn
Pris for kurset: kr 500 pr dag pr deltakar. Dette inkluderer enkel lunsj begge dagar. Påmelding på e-post til hordaland@njff.org innan 8. oktober! Frammøte begge dager kl.10.00 om morgonen ved Dale JFL sitt klekkeri på Dale (attmed BKK sitt kraftverk).
Overnatting i villmarksleiren på Småbrekke for dei som ynskjer det.